Vir eis ass Thema Réckzuch an Entspanung an der Kannerbetreiung säit laangem e ganz wichtegt Thema. An eiser Maison Relais hu mir dofir 3 flott amenagéiert Rouräim an nach weider kleng Méiglechkeeten dobaussen an dobannen vir sech zeréck ze zéien. Hei kënnen d’Kanner eng Auszäit vun hirem Alldag huelen a nei Energie tanken vir gutt duerch den Dag ze kommen. Mir hunn och zwee grouss Schleeken (Achatschnecken) als Hausdéier mat deenen mir geleeëntlech eng Entspaanungsaktivitéit ubidden. Yoga, Klangreesen a Phantasiegeschichten hu mir fest an eisen Alldag integréiert an d’Kanner huelen dat immens gutt un. Lues Meditatiounsmusék, kleng Liechterketten, eng Doftlucht an eng Taass Téi doen einfach jidderengem gutt, souwuel de Kanner, wéi och dem erzéieresche Personal! 🙂 „Cool down and chill out“ ass vir all Kand hei aus der Maison Relais zougänglech, d.h 130 Kanner kënnen vun dëser Offer profitéieren. D’Kanner hunn tëscht 3 an 12 Joer.